___________________________________🕊
Perempuan yang na ji ibadat
lagi pih that pelhara droe
Bak ureuëng yang kon muhrem
Han keu jitem peuleumah droe
Jitôp ulee bajee ji sôk
han tom ji eu ôk meulaenkan lakoe
Page dudoe syurga neubri
Tamong beurangri yang galak droe
Nyankeuh balah inong yang malèe
Yang tôp ulee bacut asoe
Sabda Nabi bak Fathimah
[Deu]ngoe lon peugah hai aneuk droe
Le that bangon asoe Nuraka
Yang le bangsa keu ureueng binoe
Saboh bangon geugantung bak ôk
Utak seuntok tutong rangoe
Geugantung bak möm saboh bangsa
Ngon ie nuraka geuseumanoe
Ladom geu ikat gaki U takue
Ateueh ulee dua jaroe
Ngon uleuë cöh kala seungat
( ...teks hilang....)pih that Hana bagoe
Saböh lagee dalam Jahannam
Uroe malam pajoh sabe droe
Saböh bangon budôk luka
Tuloe buta puntong jaroe
Saboh bangon takue meurante
Nibak gaki geuboh taloe
Geugantung bak lidah apui Nuraka
Azeub seksa hana bagoe
Saboh bangon muka hitam
Uroe malam pajoh pruet droe
Saboh miseue rupa Babi
Yang that keji nibak beurangsoe
Uleh badan miseue keulidee
Hina lagee azeub jinyoe
Miseue Anjing saboh rupa
Ie Nuraka geuseumanoe
Geuplee di ulee trok U punggong
Angoh tutong hana bagoe
Ngon jipeumee apui badan geukoh
Hanco tuboh habeh rangoe.
Saboh bangon teuduek manteng
Si urat beuneung tan bak asoe
Siblah jaroe ôk jipeugöt
Siblah farej top ngon Jaroe
'Oh ji-eu lon jeut meung geuthat
Ya Muhammad tulong kamoe
Ulon tanyong bak jibrail
Ku eu that keji supoe ummat nyoe ?
Jibrail kheun Ummat gata
Geutop muka deungon jaroe
Malee ku that ngon jibrail
Ummat lon keji hana bagoe
Tuan Fathimah tanyong bak Nabi
Ya Habibi pakon lee bagoe ?
Le that bangon kudingoe azeub
Peu saleh buet lam donya nyoe ?
Saboh aneh bak Fathimah
Aneuk lon peugah deungoe jinoe !
Deungoe lon kheun hai aneuk jroh
Saboh-saboh lon hareutoe
YANG GEUGANTUNG ANEUK BAK ÔK
Seubab seuntok peuleumah droe
Bak ureueng lakoe yang kon muhrem
Han keuh jitem nyan jisöm droe
GEUGANTUNG BAK MOM SABOH BANGSA
Ngon ie Nuraka geuseumanoe
Jipeumöm aneuk manusia
Izin hana nibak lakoe
YANG GEU-IKAT GAKI U TAKUE
Ateuh Ulee dua jaroe
Ngon Uleuë cöh kala seungat
Sabab mirah that aneuk busoe
Jitueng ie seumayang beurangkari
ija hanyi hana bagoe
YANG PAJOH DROE SABOH BAGI
Inöng tari peu göt-göt droe
Watee jijak ngui peukayan
Ikat sablön ? sok bak jaroe
Sôk ngon bajee sawak ija
Bôh ngon baja bak gukee jaroe
Ngui bee²wan bôh cilak mata
Inong ceulaka PEULAGOT DROE
Beukiet bak droe ji tan harta
Jijak sewa bak ureuëng Nanggroe
Watee jijak jroh that keumaih
Inöng ganaih han thee keudroe
Beukiet lakoe jeut beurangri
Beuthat hanyi gleung di asoe
Beuthat khieng kh'öp hana hiroe
Pakri ngon cikhoe hi bee gigoe
Nyankeuh balah page jirasa
Lam nuraka pajoh sabe droe
Uroe malam azeub ngon seksa
Balah bôh kaca gukee jaroe
Le that bangon jipeulagee
Kadang balee hana lakoe
Untong balee roh ngon tari
Allah rabbi han ék hiroe
YANG BROK BUSOK KHIENG BEE BANGKE
Puntong gaki puntong jaroe
geugantung bak lidah Nuraka
Inong ceulaka CARÔT LAKOE
Nyankeuh inong yang kreuëh babah
Kuat meubantah deungon lakoe.
YANG HITAM MUKA inong lapeue
Yang meu heu heu sigala nanggroe
Haleue hareum tan ji sidek
Soe yang tarek jijak peutoe
Nyankeuh balah hitam muka
Lam Nuraka PAJOH PRUET DROE
Teuma YANG RUPA MISEUË BABI
Miseu keulidee badan jinyoe ?
[ Azeub bak tuboh hana reuda
Inong peusuna peupake lakoe ]
Yang miseue Asee kuwat meupake
Ngon beurangri asoe nanggroe
Beungoh seupot meugroh ulee
Gabra sang asee genap uroe
Nyan keuh geuplee ie Nuraka
Seubab gabra hana bagoe
Malaikat poh hana lalee
Seubab Asee asoe nanggroe
Teuma INONG YANG DUEK MANTENG
Si Urat beuneung tan bak asoe
Siblah jaroe jitop Farej
Siblah jaroe top ateueh ulee
Apui lingka jih di tingöh
Hana teudoh dök ji moe²
Nyankeuh inong yang meujihar²
Geumoe ba ee hana bagoe
_____________________
Kameumada bek panyang that.
Lon baca lagee ilmee,Neupeubutoi pat yang salah Guree²😅.
-Tambeh Sabi,Hal.47-50.
Copas fecebook
